I år skal sommarutstillinga vise fram fleire arbeidsklede for både mann og kvinne frå 1800-talet og fram til vår tid.
Alle plagga har vore lappa og reparerte. I tillegg presenterer sommarutstillinga reiskap og andre reparerte gjenstandar frå bygda.
Å reparere og utnytte ressursane som ligg nær oss, var tidlegare ein sjølvsagt del av allmenndanninga. Materialkunnskap og teknikkar var ein del av vår immaterielle kulturarv. Slik kunnskap er i dag igjen blitt høgaktuell, og ombruk er populært. Døme på dette vil også utstillinga vise fram med m.a. elevarbeid frå Åmli skule.